जनकपुरधाम : सरकारले गरेको लकडाउनका बाबजुद पनि महोत्तरीमा जनता समाजवादी पार्टीका कार्यकर्ताहरुले प्रदर्शन गरेका छन् ।
पूर्व स्वास्थ्य राज्यमन्त्री डा. सुरेन्द्र यादव अपहरण काण्डमा प्रहरी तथा सरकारी वकिल कार्यालयमा जाहेरी दर्ता नभएपछि त्यसको विरोधमा पार्टीका कार्यकर्ताहरुले महोत्तरीमा राँके जुलुस प्रदर्शन गरेका छन् ।
महोत्तरीको सम्सी गाउँपालिकामा जनता सामाजवादी पार्टीका महोत्तरी कार्यकर्ताहरुले सम्सी बजारमा मशाल जुलुश लिएर प्रदर्शन गरेका छन् ।
विश्वभर कोरोना भाइरस (कोभिड १९) महामारीको रुपमा फैलिदै गएको समय यसको प्रभाव रोक्न देशमा यति बेला लकडाउन रहेको छ तर त्यसलाई विना कुनै ख्याल नगरी नेता कार्यकर्ताहरु घर बाहिर निस्केर प्रदर्शनमा लागेका छन् ।
केही दिन पहिला पूर्व राज्यमन्त्री तथा जनता समाजवादी पार्टीका सांसदलाई प्रधानमन्त्रीको निर्देशनमा पूर्व आइजिपि र सांसदहरुले अपहरण गरेको आरोप जसपाले लगाउँदै आएको छ ।
