वीरगञ्ज : वीरगञ्जको नारायणी अस्पतालमा गरिएको परीक्षणमा थप २३ जनामा कोरोना संक्रमण पुष्टि भएको छ ।
शुक्रबार राति गरिएको परीक्षणमा थप २३ जनामा कोरोना संक्रमण पुष्टि भएको नारायणी अस्पतालका मेसु डाक्टर मदन उपाध्यायले जानकारी दिए ।
संक्रमण देखिनेहरुमा पर्सा जिल्लाका २१ जना र बाराका २ जना रहेका छन् ।
संक्रमण देखिनेमा उच्च सरकारी वकिल कार्यालयका एक जना खरिदार पनि रहेका छन् ।
वीरगञ्जमा रहेका संक्रमितहरुलाई खाना खुवाउने जिम्मा लिएको हिमाल भान्छा घरका एक जना कर्मचारीमा पनि संक्रमण पुष्टि भएको छ ।
वीरगञ्ज महानगरपालिकाको मााईस्थान, छपकैया, भिस्वा, लक्ष्मणवा, राधेमाई, भवानीपुर लगायतका टोलहरुमा कोरोना संक्रमित भेटिएका छन् ।
यस्तै पर्साको पर्सागढी नगरपालिका ८ मा पनि एक जनामा कोरोना संक्रमण पुष्टि भएको छ ।
वीरगञ्जको नारायणी वयोधा हस्पिटल वीरगञ्जका एक जना हाउस किपिङ स्टाफ र एक जना क्यान्टिनमा कार्यरत स्टाफसहित दुई कर्मचारीमा कोरोना संक्रमण पुष्टि भएको छ ।
यस्तै बाराको कलैया र जितपुर सिमरा उप महानगरपालिकामा रहेको बैंकका कर्मचारीमा कोरोना संक्रमण देखिएको छ ।
