धनुषा : धनुषा जिल्लाको धनुषाधाम नजिक भदौ १ गते साँझ युवतीलाई सामूहिक बलात्कार गर्ने चार जनामध्ये एक जनालाई प्रहरीले पक्राउ गरेको छ । 

गत सोमबार साँझ करिब साढे छ बजेको समयमा धनुषाधाम नगरपालिका –२, धरमपुर गाउँ नजिकै दिदीको घरबाट आफ्नो घरतर्फ जाँदै गरेकी ती २० वर्षीया युवतीलाई धरमपुरकै चार जना मिलेर नियन्त्रणमा लिई धान खेतमा लगेर बलात्कार गरेका थिए । 

उक्त घटनामा संलग्न मध्ये स्थानीय १९ वर्षीय विजयकुमार यादवलाई प्रहरीले पक्राउ गरेको छ भने अन्य तीन जना फरार छन् । 

उनीहरुको पनि पहिचान भइसकेको र चाँडै नियन्त्रणमा लिएर कारवाही प्रक्रिया अगाडि बढाउने प्रहरीले जनाएको छ ।