कास्की : गोरखामा उपचारका क्रममा मृत्यु भएकी एक महिलामा कोभिड-१९ को संक्रमण रहेको पुष्टि भएको छ ।
गोरखा नगरपालिका-७ की ७६ वर्षकी महिलाको शनिवार दिउसो ४:३० बजे गोरखा अस्पतालमा उपचारका क्रममा मृत्यु भएको थियो । अचेत अवस्थामा अस्पताल ल्याइएकी उनलाई आईसीयुमा राखेर उपचार गर्ने क्रममा ब्रेन ह्यामरेज भएका कारण मृत्यु भएको थियो ।
कोभिड-१९ परीक्षणका लागि यसअघि नै उनको कन्ट्र्याक्ट ट्रेसिङका क्रममा स्वाब लिइएको थियो । प्रदेश जनस्वास्थ्य प्रयोगशालामा भएको परीक्षणका क्रममा कोभिड-१९ पुष्टि भएको स्वास्थ्य निर्देशनालय पोखराले जनाएको छ ।
योसँगै गण्डकीमा मृत्यु हुनेको संख्या १९ पुगेको छ ।