बालबालिकालाई ‘जङ्कफुड’ खुवाउनु चुरोट खुवाउनुजस्तै हो

Bijay Gyawali ८ असार २०७६, आईतवार ०६:३५

पछिल्लो समय बालबालिकालाई फकाउने सजिलो माध्यम बनेको जङ्कफुड । तर त्यसले उनीहरुको स्वास्थ्यमा कस्तो असर गर्छ भन्नेतिर अभिभावकहरुले वास्ता गरेका हुदैनन्। कतिपय अभिभावकले त आफ्ना बालबालिकालाई खाना खान मानेनन् भने पनि उनीहरुलाई त्यस्तै जङ्कफुड खुवाउने गर्छन् । अझ कतिपयले बालबालिकालाई मोबाइल दिएर खुवाउने गर्छन् । त्यो बानी पनि राम्रो होइन ।  
हाम्रा अभिभावकले जङ्कफुड भन्नेबित्तिकै काम नलाग्ने खानेकुरा भनेर बुझ्नुपर्छ । यस्तो खानेकुरा स्वास्थ्यका लागि हानिकारक छ । अझ  बच्चाका लागि त यो झन् धेरै हानिकारक छ । अभिभावकले आफ्ना छोराछोरीलाई भान्सामा पाक्ने खानेकुराको महत्वबारे राम्रोसँग बुझाउन  नसक्दा उनीहरु घरकोभन्दा बजारमा पाइने प्याकेटको खानेकुरा बढी खान रुचाउने गर्छन् । 
अझ कतिपय अभिभावकको मानसिकता कस्तो हुन्छ भने आफ्नो बच्चाले खान नमान्दा कुरमुरे, चाउचाउ, मैदाबाट बनेका खानेकुरा, बट्टामा राखेका जुसजस्ता खानेकुरा खुवाउने गर्छन् ।  बजारमा राखेका खानेकुरा अभिभावकले सहजताका लागि बालबालिकालाई दिने चलन छ । तर सानै उमेरदेखि यस्तो खाना खुवाइएका बालबालिकाको हकमा भने उमेरअनुसार वृद्धि विकास हुँदैन । 
हाम्रो भान्सामा पाक्ने दाल, भात, तरकारी, रोटी, भटमास, मकै, बारीमा फलेको मौसमअनुसारका फलफूल हामीले बिर्सिदै गएका छौँ । घरमा पाइने खानेकुरा छोडेर बाहिरी प्याकेजिङ खानेकुराले भिटामिन, क्याल्सियमजस्ता तत्वहरु नपुग्ने खानेकुरा खुवाइरहेका छौँ ।  ।
यस्ता खानेकुराले बालबालिकालाई चाहिने पौष्टिक तत्वमा कमी ल्याउँछ । जसले गर्दा उनीहरुलाई कुपोषित भएर शारीरिक तथा मानसिक विकासमा समस्या आउँछ । प्याकेजिङ खानेकुरामा अत्यधिक मात्रामा चिल्लो, नुनिलो र गुलियो पदार्थ हुने हुनाले बालबालिकामा मोटोपन देखिन सक्छ । 
ती खानेकुरामा पौष्टिक तत्व नहुँदा सानै उमेरमा मधुमेह, उच्च रक्तचाप, हड्डी कमजोर हुनेजस्ता समस्या समेत देखिन्छन् । 
त्यस्ता खानेकुरामा विभिन्न किसिमका केमिकल मिसाइएका हुन्छन् । त्यही केमिकलले स्वाद दिन्छ र बच्चालाई एक प्रकारको लत समेत लाग्छ । एकछिन पेट भरिएकोजस्तो हुन्छ । तर, शरीरलाई पोषण भने दिँदैन । जसले गर्दा शरीरमा रोगसँग लड्ने क्षमता कम हुनुका साथै बालबालिकाहरु बिरामी समेत हुन्छन् ।
त्यसैले उनीहरुलाई आफूसँगै राखेर घरकै खाना खुवाउने गर्नुपर्छ । घरमा खाजा खुवाउँदा होस् वा बच्चालाई स्कुल पठाउँदा । घरमै बनाएका खाजा चिउरा, चना, आलु, भटमास, मकै भुटेर खुवाउने बानी पार्ने हो भने बालबालिको स्वास्थ्यमा समस्या नै आउँदैन । 
त्यसैगरी बजारमा हामीले विज्ञापनमा जङ्कफुडबारे विभिन्न कुराहरु देख्छौँ । तर ती विज्ञापनलार्ई पत्याउने हो भने त्यसलाई कसैले पनि नराम्रो भन्दैनन् । तर रक्सी र चुरोटका पनि पहिला धेरै विज्ञापन आउँथे । अहिले मानिसले त्यसका असरका बारेमा थाहा पाउँदै गएका छन् । अझ त्यसकाविरुद्ध आवाज उठाउँदै गएर विस्तारै बन्द हुँदैछन् । हो, त्यस्तै जङ्कफुड आफ्ना बालबालिकालाई दिनु भनेको चुरोट रक्सी दिएजस्तो हो । 
(पोषणविद् डा.उप्रेतिसँग गरिएको कुराकानीमा आधारित )
स्रोतः बार्हखरी

Facebook Comments

जागरण टिभी

ताजा अपडेट

सबै हेनुर्होस

सम्पादकीय

सबै हेनुर्होस

विशेष सम्पादकीय – महिलालाई उपप्रमुखको मात्र जिम्मेवारी किन?

 महिलालाई प्रतिनिधित्वमा ल्याउने होइन आफै आउन सक्ने बनाउनु पर्दछ। त्यसैले सबै महिलाहरु सचेत, शिक्षित, जागरुक र सशक्त बन्दै आत्मविश्वास, दृढ ईच्छाशक्ति तथा आफ्नो क्षमताको विकास गर्दै

Jagaran Post ९ बैशाख २०७९, शुक्रबार २३:१८

बिकास र निकासको संवाहक बनोस – नयाँवर्ष

Jagaran Post १ बैशाख २०७९, बिहीबार ०७:२५

प्रधानमन्त्रीको सम्बोधन – न उत्साह, न नै उत्सुकता !

Jagaran Post ८ माघ २०७८, शनिबार ०८:५५

फितलो कानुन, कमजोर सुरक्षा संयन्त्र

Jagaran Post १ माघ २०७८, शनिबार १०:१८