काठमाडौं : संघीय संसदअन्तरगत राष्ट्रियसभाको अर्को बैठक यही पुस २६ गते आइतबार दिउँसो १ बजे बस्ने भएको छ। आज बसेको राष्ट्रियसभा बैठक पुस २६ गते बस्नेगरी स्थगित भएको हो ।

आजको बैठकमा देशमा दिगो विकास तथा सुशासन समितिको वार्षिक प्रतिवेदन सभासमक्ष पेश गरिएको छ। उक्त प्रतिवेदन दिगो विकास तथा सुशासन समितिका सभापति तारादेवी भट्टले पेश गरेकी हुन् ।

आजको बैठकमा राष्ट्रियसभाका सदस्य नारायणकाजी श्रेष्ठ, तारादेवी भट्ट,कोमल वली,तारादेवी भट्ट, रमेशजंग रायमाझीलगायतले आ-आफ्नो धारणा राखेका थिए ।

बैठकमा बोल्ने अधिकांश सांसदहरुले संसद विघटन गरेर प्रधानमन्त्री केपी ओलीले संविधानमाथि असंवैधानिक कदम चालेको भन्दै आपत्ती जनाए छन् । संसद विघटनविरुद्ध परेको रिटमाथि सर्वोच्च अदालतले संविधानसम्वत फैसला गर्नुपर्ने उनीहरुको माग रहेको छ ।