ब्रेकिङ न्युज:

गौरी मल्लको आज ५४ औं जन्मजयन्ती, देश तथा विदेशबाट शुभकामना दिइंदै

जागरणपोस्ट २ माघ २०७७, शुक्रबार ११:२७

काठमाण्डौ : नेपाली चलचित्र क्षेत्रको एक प्रभावशाली नायीकाको रुपमा चिनीने नाम हो गौरी मल्ल । गौरी मल्ल नेपाली चलचित्र क्षेत्रको एक चर्चित अभिनेत्री हुन् । उनले धेरै नेपाली तथा केही विदेशी चलचित्रमा समेत काम गरिसकेकी छिन् ।

आज उनको ५४ औं जन्मजयन्तीको अवसर पारेर देश तथा विदेशमा रहेका शुभचिन्तकहरुले उनलाई शुभकामना दिईरहेका छन् ।

सेनामा कार्यरत बाबु धनबहादुर मल्ल र आमा हेमकुमारी मल्लबाट बि.सं २०२३ साल माघ २ गते आईतवार तदनुसार १५ जनवरी सन् १९६७ मा काठमाडौंको बाँसबारीमा नायिका गौरी मल्लको जन्म भएको हो ।

कान्ति ईश्वरी विद्यालयमा प्रारम्भिक शिक्षा लिएसँगै उनको बाल्यकाल बाँसबारीमै बितेको थियो भने बाबुको सरुवासँगै केही बर्ष पाल्पाको बसाई पनि भएको थियो । बि.सं २०४३ कात्तिक २२ गते होटल ब्लू स्टारमा चलचित्र सन्तानको मुहूर्त भएसँगै विधिवत रूपमा उनको चलचित्र जीवनको यात्रा प्रारम्भ भएको हो । प्रकाश थापा निर्देशित चलचित्र ‘कन्यादान’ लाई भने गौरीले आफ्नो जीवनको ’टर्निङ पोइन्ट’ मान्छिन् ।

अभिनयको सुरुवात :

गीत गुन्गुनाउन मन पराउने उनी आफ्नो पारिवारिक माहोल बीच नै कलाकार वसुन्धरा भुसालको सम्पर्कमा आउन पुगेकी थिईन् । जसले गर्दा पनि उनको चलचित्र यात्रा सुरुवात हुन पुगेको थियो । बि.सं २०४३ सालमा पाल्पाबाट फर्किएसँगै वसुन्धरा भुसालबाट ‘सन्तान’ चलचित्रको लागि कलाकारको व्यापक खोजी भइरहेको उनले जानकारी पएपनी सुरुमा फिल्मी क्षेत्रमा प्रवेश गर्ने उनको रहर थिएन ।

पछि वसुन्धरा भुसालको सहयोग एबं प्रेरणाले राजी भएकी उनलाई आउट लुक त्यति राम्रो नहुनाले निर्माताहरुले सोझै ’नो’ भन्न नसकेर स्क्रीन टेस्टमा लिएका थिए । अरुलाई छोटो र सहज संबाद बोल्न लगाइएपनि उनको भागमा लामो संबाद दिई पहिलो चराणमा नै आउट गर्न खोजिएको थियो । तर फ्रस्ट टेकमा नै ओके भइन् गौरी ।

स्क्रिन टेस्टको लागि आएकाहरुको भिडमा नायिका करिश्मा मानन्धर पनि थिईन । करिश्माको रुप रंग देखेर संसारमा यस्तो सुन्दर मान्छे पनि हुदो रहेछ है भन्ने कुरा गौरीको स्मरणमा आजसम्म पनि ताजा नै छ ।

चलचित्र, टेलिचलचित्र लगायत बि.सं २०४५ तिर चलचित्र ’सन्तान’का निर्माता भगवानदास श्रेष्ठको प्रस्तावमा उनले जापानको एनएचके टेलिभिजनका लागि नेपालमा क्यामराको सुरुवातबारे डकुमेन्ट्रीमा पनि काम गरेकी थिईन् ।

पहिलो पारिश्रमिक :

चलचित्रको सम्झौता पत्र अनुसार पहिलो नायिका गौरी र दोस्रोमा करिश्मा लेखिएको थियो भने चलचित्र करार पत्रमा उनको लागि ८ हजार पारिश्रमिक तोकिएको थियो । पहिलो तलबको रूपमा पाएको ८ हजार रुपैँया आमालाई चोखै लगेर दिएको स्मरण अझै पनि उनमा ताजा नै छ ।

पहिलो अवार्डः

चलचित्र खेल्न वर्षौं कुर्नुपर्ने सो समयमा उनले यस बीचमा टेलिश्रिङखलाहरुमा पनि आफुलाई प्रस्तुत गरेकी थिईन् । बि.सं २०४५ तिर लय संग्रौलाको निर्देशनमा बनेको टेलिचलचित्र ‘श्रद्धा’मा एक पाकी महिलाको अभिनयमा आफुलाई प्रस्तुत गरेकी गौरीले सोही टेलिचलचित्रबाट कामना साँझमा पहिलो अवार्ड पाएकी थिईन् ।

सन्तान चलचित्रबाट अभिनय यात्रा थालेकी गौरी मल्लले पिरती, कन्यादान, चोट, सरस्वती, चेलिबेटी, चाहनालगायत ५० भन्दा बढी चलचित्रमा अभिनय गरिसकेकी छिन् ।

प्रतिक्रिया दिनुहोस्

जागरण टिभी

ताजा अपडेट

सबै हेनुर्होस

सम्पादकिय

सबै हेनुर्होस

राज्य प्रेससंग,प्रेस राज्यसंग तर्सिने अवस्था नआईजाओस

हरेकबर्ष मे ३ गतेको दिनलाई विश्व प्रेस स्वतन्त्रता दिवसको रुपमा लिईन्छ। प्रेस स्वतन्त्रता दिवसको उद्देश्य स्वतन्त्र, निष्पक्ष र निर्भिक पत्रकारिताको महत्वलाई दर्शाऊनु हो, अभिव्यक्ति स्वतन्त्रता

जागरणपोस्ट २० बैशाख २०७८, सोमबार १६:०८

सत्ता स्वार्थसंगै मौलाऊँदो राजनैतिक अपराध

जागरणपोस्ट १७ बैशाख २०७८, शुक्रबार १७:४४

कोरोना कहर – लापरवाही बिल्कुलै नगरौं

जागरणपोस्ट १२ बैशाख २०७८, आईतवार १३:४२

कोरोना नेपाल : विद्यार्थीको स्वास्थ्यभन्दा ठूलो विद्यालयको नाफा होईन

जागरणपोस्ट ७ बैशाख २०७८, मंगलवार ११:३१