दाङ : दाङमा बुधबारदेखि कोरोना विरुद्धको खोप सुरु गरिएको छ । कोरोना भाइरस संक्रमण नियन्त्रण गर्नका लागि जिल्लाका दुई स्थान तुलसीपुर र घोराहीमा कोरोना खोप लगाउन थालिएको जिल्ला स्वास्थ्य कार्यालयले जनाएको छ ।
स्वास्थ्य कार्यलय दाङका अनुसार जिल्लामा पहिलो चरणमा ३ हजार जनालाई कोरोना खोप दिइने छ । यसका लागि मंगलबार ६ हजार डोज खोप जिल्लामा आइसकेको स्वास्थ्य कार्यालय दाङका प्रमुख अंगतबहादुर शाहीले जानकारी दिए ।
कोरोना खोप लगाउनका लागि तालिम प्राप्त चिकित्सकहरु व्यवस्थापन गरिएको छ । आजबाट लगाउन थालिएको पहिलो चरणको खोप अन्तरगत अग्रपंक्तिममा खटिने स्वास्थ्यकर्मी, कर्मचारी, कार्यालयमा खटिने कार्यालय सहयोगी, एम्बुलेन्सका चालक, सरसफाईकर्मी लगायतलाई खोप दिइने छ ।