काठमाण्डौ : डिशहोमले यही माघ २९ गतेदेखि नयाँ कोरियन सिरिज ‘द किङ इज इन लभ’ प्रसारण गर्ने भएको छ । डिशहोमको च्यानल नं. १०२ रियालिटी टिभीमा हरेक बिहिबार राती ८ः३० वजे ‘द किङ इज इन लभ’ नामक सिरिज नेपाली भाषामा प्रसारण हुने भएको हो ।
डिशहोमले आफ्ना ग्राहकहरुलाई उत्कृष्ट सेवासहित थप मनोरञ्जन र नेपाली दर्शकलाई सिरिजको दुनियाँमा नौलो र फरक स्वाद दिने उद्देश्यका साथ कोरियन सिरिजलाई नेपाली भाषामा प्रशारण गरिरहेको छ । भविष्यमा अन्य उत्कृष्ट तथा चर्चित कोरियन सिरिजहरुलाई पनि नेपाली भाषामा प्रशारण गर्ने तयारी गरिरहेको डिशहोमले जनाएको छ ।