ब्रेकिङ न्युज:

नेताजी, जनसमुदाय भनि बिल्कुलै सम्बोधन नगर्नुस, किन झुक्याउनु हुन्छ ?)

जागरणपोस्ट २९ माघ २०७७, बिहीबार १५:१४

राजन बिडारी//

तपाइँहरुका जनसभा वास्तवमा कार्यकर्ता सभा हो । जुन वडा समिति देखि गाउँ, इलाका, जिल्ला, प्रदेश हुँदै केन्द्र सम्म मिसिएको स्वार्थ केन्द्रित राजनीतिक सभा हो । त्यसैमा मिसिएका हुन्छ, तपाइकै पार्टी निकट बिभिन्न खाले पेशागत ब्यवसायिक कमिटीहरु । कोही सामान्य समर्थकहरु पनि आएका होलान् त केही रमिते समेत १ तिनीहरु पनि आएका होलान् जो सितैमा मासुभात खान र घुम्ने प्रलोभनमा परे वा ल्याइएका पनि हुन सक्छन् पैसा नै दिएर (खास गरि पेशेवर गुण्डाहरु) । कोही त यही मौकामा शहरमा अड्किएको काम फत्ते गरौ भनी आएका हुन सक्छन् । गाउँका अधिकांश सिधासादाहरु त के गर्न आएका भन्ने पनि थाह नभै तपाइका चलाख कार्यकर्ताहरुले लटपटी परेरै ल्याएका होलान् । अनि कत्तिको त हिड्ने बाटो र सडकका ब्यवसाय नै खोस्दिनु भएको छ त, बिचरा उनीहरु पनि रमिते बन्ने नै भए । माफ गर्नुहोला यी शहरमा तपाइका नितान्त स्वार्थ केन्द्रित भाषण सुन्ने रहर कति पनि छैन, आम नागरिकलाई !

तपाईहरुलाई प्रष्ट थाहै छ कि, जनसागर भन्दै भिड कसरी जम्मा गर्न सकिन्छ । सदियौ देखि जानेकै पनि यति त हो नेपालीजनलाई गरीवरश्रमीक कै दर्जामा राख्दै आएकै यसैका लागि होइन र ? शब्दमा बिकास ओकेल्यो ! कागजमा बिकासका भाषाले पोत्यो !! यथार्थमा नियमित टालटुल गर्‍यो अनि एकाध ठाउँमा छारो हाल्यो, गर्‍या झै देखाउन । वस सोझासिधा लुटपुटायो र आफू अनि आफ्ना जतिलाई सके जति उकास्यो, चौतर्फी रुपमा ( धन,काम,माम, शिक्षा, ठेक्का । आदि माध्यमबाट । बिचरा सर्वसाधारणका छोराछोरीहरुलाई बुर्जुवा शिक्षा नलिउ भन्यो र उता आफ्नालाई भने उनै साम्राज्यवादी भनी धारेहात लाउने गरेका देशकै भुमिमा अब्बल शिक्षा दिलाई राम्रो अंकमा पास भएकोमा वा उच्च तहको पद सम्हालेका नाममा पेसबुक पेज रङ्गायो १ आफू पक्षीय वकिल, डाक्टर, निर्माण ब्यवसायी, बिद्यार्थी लगायत पेशागत संङ्गठन खडा गर्‍यो र तिनलाई तदनुरुपको कार्यमा उपभोग गर्‍यो ।

आन्दोलन

 

तपाइ नेताजीहरु त लडाउन पनि माहिर नै हुनुहुन्छ नि है । धर्म, वर्ग, सम्प्रदाय, भुगोल, वर्ण आदीका नाममा । बिचरा हामी छिमेकी अनि नातागोता र साथीभाइ पनि भन्न पाउन्नौ । शत्रुता र कटुता टोलटोल देखि गाउँ शहर सबैतिर खडा गर्दै स्थायी शत्रुमा परिणत गरि दिनुहुन्छ । अनि आफुहरु भने राजनीतिमा स्थायी शत्रु हुदैन भन्दै आफैले थुकेको थुक समेत नीजि स्वार्थका लागि चाटन तयार भै वस्नुहुन्छ !

यी र यस्तै तमाम नौटङकी हामी जस्ता सर्वसाधारणलाई थाह नभा कहाँ हो र रु आशा एवं वाध्यतामा पिल्सिएको मात्रै हो १ हिजो म बाल्यकाल छदा पन्चायत थियो । त्यहाँ हैकम चल्थ्यो, बोल्न कम पाइन्थ्यो तर बिस्कुन सहरका बेथितीरबिसंङ्गती यत्रतत्र सवत्र थिएन । बहुदलकाल देखि गणतन्त्र सम्मको यात्रामा बोल्न मात्रै त के जथाभावी ओकेल्न पनि पाइयो तर बाकी सप्पै उल्टो गतिमा चल्न थाल्यो । बोलेर, ओकलेर, खोकेर, काचोवायु थोपरेररलादेर मात्रै हुदो रहेनछ त नेताजी । गफैले मात्र चिउरा भिज्दो रहनेछ । चिउरा भिजाउन त दही चाहिन्छ तर तपाईहरु त पानी पनि दिन तयार हुनुहुन्न । थुकले भिजा र घिच झै को व्यवहार गर्नुहुन्छ १ र तपाइहरुलाई त्यही नै प्रिय लाग्छ, किनकी आमरुपमा नागरिक समृद्धि जाग्यो र चेतना पलायो भने त यथास्थितिमा तपाईं जस्ता नेताको खैरियत नै हुदैन । कि त भड्खालोमा जाक्दिन्छ्न कि भने एक सय असी डिग्रीको कोणमा अर्थात आनकोतान सुध्रन बाध्य पार्दिन्छ्न । जुन तपाइहरुको भित्री चाह नै होइन !

यत्तिका पोल खुल्ने कुरा त तपाइ नेताजीहरुले सुन्नै सक्नुहुन्न । वाइह्यात लाग्छ र कुनै एक बादी वा तन्त्रको बिल्ला भिराइ दिनु हुन्छ । भरसक्य प्रतिगामी, परिवर्तन बिरोधी, सामन्ती वा कुन्नी के वादी लगायत के भन्दा आफ्ना पक्षका कार्यकर्ताको पारो तात्छ, त्यही बकिदिनु हुन्छ । अनि त कुरोको चुरो नबुझी अरिङ्गाल, बिच्छी, बारुला रुपी कार्यकर्ता एवं स्वार्थपुर्ण झुण्डहरुले चिल्न शुरु गर्छ्न । अनि यसरी बोल्न पाइने भनि खुबै खोक्ने गरेको गणतन्त्रमा समेत वाक्कदिक्क्क, बाध्य बनाइ मुख थुनिन्छ ।
तैपनी हाम्रा नेताजीहरु दिनहुँ झै कुर्लन्छ्न कि हामी परिवर्तनकारी, गणतन्त्र पक्षधर, धर्मनिरपेक्षी, समाबेशीरसमानुपातिक, सार्वभौम जनताका सेवक, आदि-आदि ।

तपाईका समावेशीरसमानुपातिक कस्को लागि फलिफाप भो रु नागरिकले देखेकै हुन् । धर्मनिरपेक्षताले अधार्मिक चलखेल अनि बिखण्डन कत्तिको निम्तेको छ वा अझ भनौ भुसको आगो झै फैलेको छ, त्यो सबैले आम रुपमा महशुस गरेकै हुन । तपाईं नेताजीहरु त बहुरुपिया हुनुहुन्छ । कहिले पादरीका सर्वतपान गर्नुहुन्छ त कहिले बोकाको वली दिने देखि भैंसी पुजा सम्म गर्न पछि पर्नु हुन्न १ किनकी तपाइहरुलाई फाइदा चाहिएको छ, कमाउन परेको छ अनि भोट र सत्ता प्राप्तीका लागि आफ्ना आस्था र बिश्वासहरु साट्नु हुन्छ । यहाँहरुको नाटक एवं कपटपूर्ण व्यवहार देख्दा त तपाइहरु सँग पनि के आस्था अनि भावना होला र रु झै लाग्छ । तर पनि नेताजी आज सम्म एक बिषय अर्थात् नकारात्मक निकास र बिकासमा भने पि.एच.डी. नै गर्नु भो । कस्तो नकारात्मकता भने झुट, फुट, लुट, गुट, लडाइ, झगडा, बिभाजन, बेमेल, बैमनष्यता, कटुता, गालीगलौज, अकर्मण्यता, निरहीपन, हेपाहा, उदासीन, नाटकमन्चन, गोहीको आसु, बनावटी मेल, स्वार्थपूर्तिका मिलन ।।। मार्फत आफू र आफ्ना भने निर्धक्क, कुस्त, मस्त पार्न सक्नु भो ! जयहोस यहाँको !! (जयहोस भन्नु त मेरो स्वभाव हो) ।

हुने हुनामी मेरो हातमा छैन हजुर । यहाँको नियती, अनुहारका छट्पटी, मनको अशान्तीले नै देखाइरहेका छ्न, नतिजाहरु । जाबो आफ्नै शरीर अनि मन त नियन्त्रण गर्न नसक्नेले संसार बिजय गर्छु र छक्याउछु भनी कसरी ठान्न र मान्न सक्नु हुन्छ हँरु काल कति खेर, अनि कस्तो क्रुरताका साथ देखा पर्छ भन्ने जान्न नसक्ने तपाईं हामी जस्ता मनुवाले अब बाकी जीवनका लागि धेरै फुर्ती नलाकै वेस ।

सक्नु हुन्छ बदलिनुस । राम्रो गर्ने प्रयत्न गर्नुस १ नसके चुप्प लागि सन्यास लिनुस र जीवन अनि जगतका वारेमा घोत्लिनुस । के था हाल सम्म गरेका तमाम पाप अनि पाखण्ड पखाल्ने बाटो पो खुल्छ कि रु नत्र तपाइले थुपारेका भनिएका सान र सकौत अनि अकुत धनले तपाइलाई नै जीवनको अन्तिम क्षण तिर भत्भती पोल्न थाल्नेछ्न । नभए पनि तपाइका सन्तान दर सन्तानलाई त्यही धन र सकौतले रसातलमा पुर्‍याउने छ, एक दिन । किनकी बिना पेशा र कर्मका तपाईं नेताजीहरुको कमाइमा शुद्धता कदापी छैन नै । अशुद्ध र वासी खानेको स्वास्थ्यमा गडबडी आए झै अशुद्ध धन र बिकृत कर्मले तपाइहरुको मनपेट पोल्ने नै छ एकदिन । र सायद त्यो दिन वा क्षण नै तपाइको अन्तिम क्षण हुनेछ । र त्यस बेला पश्चाताप अनि अतृप्त आत्मा लिएर तपाइको जीवनको गति बन्द हुनेछ ।

त्यसैले बिनम्र आग्रह छ, सच्चिनुस, अझै बेला छ । सक्नुहुन्छ, राम्रो गर्नुस । भलो सोच्नुस । उपाय लागेन, राजनीतिलाई सक्ने पुस्तामा सुम्पन भुमिका खेल्नुस र आफ्नै जीवनको मति र गति सुधार्न तर्फ केन्द्रित रहनुस । तर थप नबिगार्नुस है ! तपाइहरु जस्तै एक नेता (प्रश्रीत ज्यु) आजकल यतैकतै पिपलको बोटमुनी ध्यानस्त हुने गरेको देखेको छु, मैले ।

वस, नेताजी सुध्रेको हर्न मन छ । तन्त्र, वाद, सत्तामा को म जस्ता धेरै नागरिकलाई मतलव नै छैन । देश समृद्ध भएको अनि नागरिकका दैनिकी खुशी एवं परिश्रममा बितेको हेर्न मन छ ।
सदा जयहोस ! सबैको जयहोस !!

प्रतिक्रिया दिनुहोस्

जागरण टिभी

ताजा अपडेट

सबै हेनुर्होस

सम्पादकिय

सबै हेनुर्होस

विशेष सम्पादकीय – सर्वोच्चको स्वागतयोग्य ऐतिहासिक फैसला !

सर्वोच्च अदालतले प्रधानमन्त्री केपी शर्मा ओलीको प्रतिनिधिसभा बिघटनलाई गैरकानूनी ठहर्याएसंगै प्रधानमन्त्री ओलीको अब राजनैतिक पतनको बाटो पनि शुरु भएको छ। सर्वोच्चले आज ऐतिहासिक फैसला सुनाऊँदै

जागरणपोस्ट ११ फाल्गुन २०७७, मंगलवार १९:०२

बलजफ्तीको भिडले दिने सन्देश !

जागरणपोस्ट २३ माघ २०७७, शुक्रबार १७:४०

बालअधिकारको ग्यारेण्टी गर

जागरणपोस्ट २८ पुष २०७७, मंगलवार ०९:५६

सम्पादकीय – लोकतन्त्रमा ट्रम्प चरित्र

जागरणपोस्ट २५ पुष २०७७, शनिबार ०२:५४