ब्रेकिङ न्युज:

अधिकारको नाममा अतिवादउन्मुख समाज

जागरणपोस्ट ७ फाल्गुन २०७७, शुक्रबार १२:५२

विजय ज्ञवाली//

यति मीठो तरिकाले छायांकन गरिएको यो सानो भिडियो क्लिप देखेर कतिपय अधिकारकर्मीको टाऊको दुखेछ । मदनकृष्ण श्रेष्ठ र मिथिला शर्मा अभिनित यो फुलबुट्टे सारी बोलको भिडियोमा कतिपय अधिकारकर्मी भनाऊँदाहरुको टाऊको दुख्नुपर्ने स्थान त म कतै देख्दिन ।

श्रीमान-श्रीमतीबिचको आत्मियता, प्रेम, स्निघ्नता, सद्भाव, एकअर्काको सम्मानजस्तो बिषयलाई महिला अधिकारसंग जोडेर हेर्नू पनि अति नै हो ।
ठिकै छ, मिथिलाले चिया बनाईन । कोट लगाईदिईन। मदनकृष्णले चिया बनाएनन, सारी लगाईदिएनन, झरी पर्यो, छाता लिएर गईन, रुघा लाग्दा तातोपानीको ब्यवस्था गरिदिईन भिडियोमा ।

श्रीमान श्रीमतीबिचको सम्बन्धलाई यति मिठो र लवजपूर्ण तरिकाले छायांकन गरिएको यस भिडियो क्लिपमाथी पनि कथित अधिकारकर्मीहरुले महिला समानताको बिरुद्धमा देख्नु दृष्टिदोष हो । अतिचार हो । लाटा देशका गाँडा तन्नेरी भनेझैं हो ।

हामीले पूर्वीय सभ्यतालाई अनुसरण गर्दै आइरहेका छौं, पाश्चात्य सभ्यता होईन। हामीलाई अधिकार र जिवनशैली चाहिएको छ पाश्चात्य शैलीको । अधिकार र स्वतन्त्रताको नै कुरा गर्ने हो भने नेपालको संविधानले के महिलामाथी विभेद गरेको छ र ? गरेको छ भने कहाँ गरेको छ? महिलाको स्वतन्त्रतामाथी बन्देज लगाएको छ र ? छ भने कहांनेर लगाएको छ ? कथित अधिकारकर्मीहरुलाई प्रश्न छ ।

सविधानले दिएको अधिकार र स्वतन्त्रता हामीले कार्वान्यनमा ल्याऊन पो सकेनौं कि ? प्रयोग गर्न पो जानेनौं कि ? या, स्वतन्त्रता उपभोग गर्ने नाममा हामिजस्ता कथित टाठाबाठा पनि चिप्लियौं कि ? या दूरदराजसम्म अधिकार र स्वतन्त्रताको बारेमा सूसूसूचित नगरि तारे होटल र रिसोर्टहरुका सेमिनारसम्म मैं सिमित गर्नाले अधिकार र स्वतन्त्रताको उपभोग र महसुस गर्न नसकिएको पो हो कि ?

अर्को कुरा, अधिकार अनि स्वतन्त्रताको उपभोग र महसुस गर्दैगर्दा हामीमा के हाम्रो कर्तव्य र दायित्त्व च्यूत र क्षीण हुँदै गएको हो त ? अधिकारको नाममा सबै कुरा पाश्चात्य शैली नै ठिक भन्नेकुरा अतिचार हैन र ? के हाम्रो पूर्वीय सभ्यता खोटैखोटयुक्त हो ? पाश्चात्य सभ्यता हरेक स्वतन्त्रताको कडि हो ? हरेक समस्याको छुमन्तरिय जादू हो ?

हामी जन्मेदेखि मृत्युपश्चात् सम्म पनि पूर्वीय सभ्यता, मूल्यमान्यता, आदर्श, जिवनशैली अंगाल्दै सम्पूर्ण जिवनशैली ब्यतित गर्दछौं भने हामीलाई पाश्चात्य शैलीप्रति यतिविघ्न मोह किन ?

श्रीमान श्रीमतीविचको स्नेहमा जसो पनि जायज मानिन्छ, यी ब्याक्तिगत कुरा हुन। यो कुरा पूर्वीय सभ्यतामा होस या पाश्चात्य सभ्यतामा । पाश्चात्य सभ्यतामा पनि सबै श्रीमानहरुले चिया बनाएर श्रीमतीलाई दिएका छैनन । सबै श्रीमानहरुले आफ्नो कोट आफै लगाईदिएका पनि छैनन र सबै श्रीमतीहरु झरिको बेला बार्दलीमा बसेर अधिकार, कर्तव्य र स्वतन्त्रताको नाममा तमासा हेरेर बसेका हुँदैनन् । समय हुंदा एकले अर्कोलाई जतिबेला पनि जुनसुकै परिस्थितिमा पनि साथ सहयोग, स्नेह र जिम्मेवारी निर्वाह गर्दै आएका छन् ।

हामीलाई सबैकुरा अमेरिकाकै चाहिने भए नेपाल नै किन चाहियो र ? देशको नाम नै मिनि अमेरिका राखौं। नेपाली भाषा खारेज गरौं, नेपाली मौलिकता खारेज गरौं । नेपाल नै खारेज गरौं र मिनि अमेरिकन बन्दै हिंडौं । पर्वोत्सव र संस्कृतिहरु सबै खारेज गरौं । जिवनशैली खारेज गरौं । अधिकार र स्वतन्त्रताको नाममा सबैथोक खारेज गरौं । अनि अनुहारमा सेतो पाऊडर धसेर मिनि अमेरिकन हौं भन्दै हिंडौं ।

नेपालमा हरेक कुरामा अतिचार गरे नै ठूलो होईन्छ भन्ने मानशिकता त्यागौं। म मात्रै जान्ने र ममात्रै ठूलो भन्ने मानशिकता पनि त्यागौं । हरेक कुरालाई दृष्टिदोषको नजरले पनि नहेरौं । संविधानले दिएको अधिकार र स्वतन्त्रताको माध्यम जहाँ अँध्यारो छ त्यहाँ दियो बाल्ने काम गरे बरु बल्ल समयसापेक्ष बदलाव आऊँथ्यो कि ?

प्रतिक्रिया दिनुहोस्

जागरण टिभी

ताजा अपडेट

सबै हेनुर्होस

सम्पादकिय

सबै हेनुर्होस

विशेष सम्पादकीय – सर्वोच्चको स्वागतयोग्य ऐतिहासिक फैसला !

सर्वोच्च अदालतले प्रधानमन्त्री केपी शर्मा ओलीको प्रतिनिधिसभा बिघटनलाई गैरकानूनी ठहर्याएसंगै प्रधानमन्त्री ओलीको अब राजनैतिक पतनको बाटो पनि शुरु भएको छ। सर्वोच्चले आज ऐतिहासिक फैसला सुनाऊँदै

जागरणपोस्ट ११ फाल्गुन २०७७, मंगलवार १९:०२

बलजफ्तीको भिडले दिने सन्देश !

जागरणपोस्ट २३ माघ २०७७, शुक्रबार १७:४०

बालअधिकारको ग्यारेण्टी गर

जागरणपोस्ट २८ पुष २०७७, मंगलवार ०९:५६

सम्पादकीय – लोकतन्त्रमा ट्रम्प चरित्र

जागरणपोस्ट २५ पुष २०७७, शनिबार ०२:५४