ब्रेकिङ न्युज:

बाग्मतीमा अब कञ्चन पानी बग्छ, मेलम्ची द्रुत गतिमा छ : खानेपानी मन्त्री

जागरणपोस्ट १९ पुष २०७५, बिहीबार १०:४९

१९ पुस, काठमाडौं । खानेपानीमन्त्री बिना मगरले अब बाग्मती नदीमा कञ्चन पानी बग्ने दावी गरेकी छन् । ललितपुरको बालकुमारीस्थित धोबिघाट फोहोर पानी प्रशोधन केन्द्रको शिलान्यास समारोहमा बोल्दै उनले सिंगो बाग्मतीको मुहार फेरिने बताइन् ।

‘प्रशोधनपछि बाग्मतीमा कन्चन पानी बग्नेछ, प्रशोधित पानी करेसाबारी, सिंचाई, सडक, सरसफाई लगायतमा प्रयोग गर्न सकिनेछ’, उनले भनिन् ।

मन्त्री मगरका अनुसार बालकुमारीसँगै अन्य दुई स्थानमा पनि फोहोर प्रशोधन केन्द्र बन्दैछन् । झण्डै ४ अर्बको लागतमा धोबिघाट, गुह्वेश्वरी र सल्लाघारीमा फोहर पानी प्रशोधन केन्द्र बन्न लागेको उनले जानकारी दिइन् । वातावरणलाई प्राकृतिक स्वरुपमै फर्काउन अभियान थालेको भन्दै उनले बाग्मतीको फोहोरपानी प्रशोधन गर्ने कार्य त्यसैको अंग भएको बताइन् ।

‘प्राकृतिक स्रोतको संरक्षण मानवीय प्राथमिकताको विषय हो, स्वस्थ जीवनको सबभन्दा ठूलो आधार सफा पानी नै हो, पानीको मुहान र स्रोतलाई सफा राखेर मात्र हामीले मानव जीवनलाई स्वस्थ र सुन्दर बनाउन सक्छौं,’ उनले भनिन् ।

बाग्मती लगायतका प्राकृतिक सम्पदाहरुमा हुने प्रदुषणको रोकथाम र प्रशोधनका लागि मन्त्रालयले मिहिनेतका साथ काम गरिरहेको उनले बताइन् ।

मेलम्चीको काम द्रुत गतिमा !

खानेपानी मन्त्री मगरले मेलम्ची खानेपानी आयोजनामा निर्देशनालय र मन्त्रालयले दुरदर्शिताका साथ काम गरिरहेको दावी गरेकी छन् ।

‘मेलम्चीको पानी काठमाडौंका जनतालाई उपलब्ध गराउन मन्त्रालय सम्पूर्णरुपले क्रियाशील रहेको छ’, उनले भनिन् । कुनै पनि बाहना र गतिरोधले मेलम्ची आयोजना प्रभावित नहुने मन्त्री मगरको दावी छ ।

‘सम्भाव्य सम्पूर्ण उपायहरुको खोजी गरी राष्ट्रिय कार्यभार पूरा गर्न मन्त्रालय संकल्पित रहेको छ’, उनले भनिन् ।

इटालियन ठेकदारले काम रोके पनि मन्त्री मगर भने पछिल्लो समय मेलम्ची सकारात्मक दिशा लिइरहेको बताउँछिन् ।

‘राष्ट्रिय गौरवको आयोजनाका रुपमा रहेको मेलम्ची खानेपानी आयोजना यथासक्य निर्माण गरिसक्न मन्त्रालय गम्भिर छ’, उनले भनिन् ।

प्रधानमन्त्री केपी शर्मा ओलीले पनि मेलम्ची जापानी कारको गतिमा कुदिरहेको हालै बताएका थिए ।

प्रतिक्रिया दिनुहोस्

जागरण टिभी

सम्पादकिय

सबै हेनुर्होस

विशेष सम्पादकीय – सर्वोच्चको स्वागतयोग्य ऐतिहासिक फैसला !

सर्वोच्च अदालतले प्रधानमन्त्री केपी शर्मा ओलीको प्रतिनिधिसभा बिघटनलाई गैरकानूनी ठहर्याएसंगै प्रधानमन्त्री ओलीको अब राजनैतिक पतनको बाटो पनि शुरु भएको छ। सर्वोच्चले आज ऐतिहासिक फैसला सुनाऊँदै

जागरणपोस्ट ११ फाल्गुन २०७७, मंगलवार १९:०२

बलजफ्तीको भिडले दिने सन्देश !

जागरणपोस्ट २३ माघ २०७७, शुक्रबार १७:४०

बालअधिकारको ग्यारेण्टी गर

जागरणपोस्ट २८ पुष २०७७, मंगलवार ०९:५६

सम्पादकीय – लोकतन्त्रमा ट्रम्प चरित्र

जागरणपोस्ट २५ पुष २०७७, शनिबार ०२:५४