छोएर वर-पीपलु !

जागरणपोस्ट ६ असार २०७८, आईतवार ०९:२४

एस.के.निधन//

बहुलाउने भनेकै सद्दे मान्छे हो
जस्तो कि :
यसपटक नवराज पराजुली बौलायो ।
———————–
देखेको छु ,
कुट्मेरोको रुख चढेर आमाले घास काटेको
सालको रुख चढेर भाउजुले पात टिपेको
बेलको रुख चढेर काकीले बेलपत्र बटुलेको
सम्झना छ ,
रुखमा अड्किएको चङ्गा
दिदीले झिकेर ल्याईदिएको
पखलाको औषधि भन्दै
बहिनीले काँचो बेलौती टिपेर दिएको ।
—————————
आमाले चोर्नु भएन
कुट्मेरोको टोक्रोबाट ढुकुरका फुल
भाउजुले काट्नु भएन
सालको रुख चढेर सालकै टुप्पो
काकीले फेर्नु भएन
बेलको रुखबाट पिसाव
दिदीले गरिनन
पिपलको हागोमा समातेर दिसा
बहिनीले देखिन
बेलौतिको रुखबाट मलाई कुरुप
के नगर्नु पर्ने नगर्नु ,रुख नचढ्नु हो ?
————————-
मैले,
रुख चढेकी आमालाई आमा नै देख्छु
रुख चढेकी काकीलाई काकी नै देख्छु
रुख चढेकी भाउजुलाई भाउजु नै देख्छु
रुख चढेकी दिदीलाई दिदी नै देख्छु
रुख चढेकी बहिनीलाई बहिनी नै देख्छु
उसले ,
रुख चढेकी प्रेमिकालाई प्रेमिका देख्दैन
मात्रै देख्छ उसको गुप्तांग
यसैले ,
सन्चो भएर फर्किएपछि
छोएर वर पीपलु सोध्नु छ :
नवराज !
तैले चढेको वरको रुख अग्लो कि
पासाङ्ल्हामुले चढेको सगरमाथा ?
————————-
बहुलाउने भनेकै सद्दे मान्छे हो
जस्तो कि ?
यसपटक नवराज पराजुली बौलायो ।

Facebook Comments

जागरण टिभी

ताजा अपडेट

सबै हेनुर्होस

सम्पादकीय

सबै हेनुर्होस

विशेष सम्पादकीय – महिलालाई उपप्रमुखको मात्र जिम्मेवारी किन?

 महिलालाई प्रतिनिधित्वमा ल्याउने होइन आफै आउन सक्ने बनाउनु पर्दछ। त्यसैले सबै महिलाहरु सचेत, शिक्षित, जागरुक र सशक्त बन्दै आत्मविश्वास, दृढ ईच्छाशक्ति तथा आफ्नो क्षमताको विकास गर्दै

Jagaran Post ९ बैशाख २०७९, शुक्रबार २३:१८

बिकास र निकासको संवाहक बनोस – नयाँवर्ष

Jagaran Post १ बैशाख २०७९, बिहीबार ०७:२५

प्रधानमन्त्रीको सम्बोधन – न उत्साह, न नै उत्सुकता !

Jagaran Post ८ माघ २०७८, शनिबार ०८:५५

फितलो कानुन, कमजोर सुरक्षा संयन्त्र

Jagaran Post १ माघ २०७८, शनिबार १०:१८