महोत्तरीका एक जनप्रतिनिधिका छोरा जनकपुरधामबाट घूससहित पक्राउ परेका छन् ।
महोत्तरीको भंगहा नगरपालिका ८ का वडा सदस्य कारी साहका छोरा मुकेश साहलाई विशेष सुराकीका आधारमा अख्तियार दुरुपयोग अनुसन्धान आयोग बर्दिबासको टोलीले १ लाख ६० हजार रुपैयाँ घुससहित रंगेहात पक्राउ गरेको हो । उनी जनकपुरधाम उपमहानगरपालिका ९ पिडारी चोकस्थित राष्ट्रिय बाणिज्य बैंक अगाडिबाट पक्राउ परेका हुन् ।
सडक ढलान गरेको उपभोक्ता समितिका पदाधिकारीको बिल पास गरिदिने नाममाम वडाध्यक्ष रफिक आलम र सदस्य कारीले घुस मागेका थिए । उनीहरूले घुसबापतको रकम बुझ्नका लागी मुकेशको प्रयोग गरेको प्रहरीले बताएको छ ।
पक्राउ परेका मुकेशमाथि अनुसन्धान भइरहेको अख्तियार दुरुपयोग अनुसन्धान आयोगले जनाएको छ ।