इन्टरनेट सेवा प्रदायकहरूले आगामी सातादेखि देशभर इन्टरनेट सेवा बन्द हुने चेतावनी दिएका छन् ।
सेवा प्रदायकले विज्ञप्ति नै निकालेर अर्को सातादेखि सेवा अवरुद्ध हुन सक्ने चेतावनी दिएका हुन् ।
‘सञ्चार तथा सूचना प्रविधि मन्त्रालयले टाटा, एयरटेल र सिफी जस्ता कम्पनीलाई विदेशी रकममा भुक्तानी सिफारिस पूर्ण रूपमा बन्द गरेको छ,’ विज्ञप्तिमा लेखिएको छ, ‘जसकारण विगत ६ महिनादेखि भुक्तानी रोकिएको छ ।’
लामो समयदेखि भुक्तानी रोकिएकाले आगामी सातादेखि सेवा रोक्नुपर्ने बाध्यात्मक स्थिति आउन सक्ने बताइएको छ ।
- भाडा नतिर्ने इन्टरनेट र टेलिभिजन कम्पनीको तार काट्ने चेतावनी
- सीजीको इन्टरनेट अब एक महिनासम्म निःशुल्क चलाउन सकिने
मन्त्रालयले विदेशी मुद्रामा भारतीय इन्टरनेट प्रोभाइडरलाई भुक्तानी रोकेको विरोधमा यही वैशाख १९ गते मनाइने राष्ट्रिय सूचना तथा सञ्चार प्रविधि दिवसमा सहभागि नहुने व्यवसायीले घोषणा गरेका छन् ।
यही वैशाख १४ गते बसेको कार्यसमिति बैठकले दिवसलाई पूर्ण रूपमा बहिस्कार गर्ने निर्णय गरेको जानकारी दिएको छ ।
इन्टरनेटसर्भिस प्रोभाइडर नेपालका अध्यक्ष सुधीर पराजुलीले सूचना प्रविधि दिवसमा सहभागी नबन्ने, प्रायोजक र आयोजक नबन्ने र कुनै पनि सहयोग नगर्ने निर्णय गरेको जानकारी दिए ।
सरकारले व्यवसायको समस्या समाधान गर्नतर्फ ध्यान नदिँदा थप समस्या भइरहेको अध्यक्ष पराजुलीको भनाइ छ ।
फेसबुकमा हामीलाई Jagaran News Network – JNN मा फ्लो गर्नुहोस।
त्यस्तै, ट्विटरमा @jagaranpost फ्लो गर्नुहोस।