कुवेतबाट ५० यात्रुसहित आएको अन्तर्राष्ट्रिय जहाज भैरहवामा अवतरण

Jagaran Post २ जेष्ठ २०७९, सोमबार ०९:११

काठमाडौँ — नेपालमा दोस्रो हवाई रुटमा उडान गर्ने कुवेतको जजिरा एयरवेज पहिलो विदेशी वायुसेवा भएको छ ।

भैरहवा विमानस्थलका एक एयर ट्राफिक कन्ट्रोलर (एटीसी)का अनुसार नेपालमा हवाई यातायात सुरु भएको ७४ वर्षपछि दोस्रो अन्तर्राष्ट्रिय विमानस्थलका रुपमा संचालनमा आएको गौतम बुद्ध अन्तर्राष्ट्रिय विमानस्थलमा सोमबार कुबेतबाट आएको जजिराको जे ९५४५ उडान नम्बरको विमान अन्तर्राष्ट्रियतर्फ व्यवसायिक उडान गर्ने पहिलो वायुसेवा भएको छ ।

जजिराको एयरबस ए ३२० विमान बिहान ७ बजेर ९ मिनेटमा भैरहवामा अवतरण भएको थियो । कुवेतबाट इरान, पाकिस्तान, भारतको नयादिल्ली, लखनउमाथिको हवाई रुट हुँदै आएको जजिराको जहाज लखनउबाट सोझै भैरहवा प्रवेश गर्ने रुट नभएकाले सिमरा पुगेर चितवन हुँदै भैरहवास्थित गौतम बुद्ध अन्तर्राष्ट्रिय विमानस्थलमा अवतरण भएको थियो ।

१ सय ६० सिट क्षमताको एयरबस फर्किँदा १ सय ३३ जना नेपाली लिई भैरहवाबाट कुवेत जाने छ । ४ घन्टा २२ मिनेटको समय लगाएर भैरहवा आइपुगेको जजिराको विमान फर्किँदा सिमरातर्फ नगई भैरहवाबाट सोझै लखनउ निस्किने छ । भैरहवाबाट लखनउ हुँदै निस्किने ब्राभो ३४५ नामको एकतर्फी हवाई रुटबाट निस्किँदा उसलाई आउँदा लागेको समय भन्दा केही मिनेट कम सयम लाग्ने छ ।

२५६६ औं बुद्धजयन्तीको साइत पारेर सरकारले सोमबार प्रधानमन्त्री शेर बहादुर देउवाद्वारा भैरहवा विमानस्थलको उद्घाटन गराएको छ ।

उद्घाटनअघि  विदेशबाट जजिरा र काठमाडौंबाट नेपाल वायुसेवा निगमको ए ३२० एयरबस ९० जना यात्रु लिई भैरहवा पुगेको थियो । निगमको विमान काठमाडौंबाट ६ बजेर २७ मिनेटमा उडेको निगमको एयरबस भैरहवामा ६ बजेर ५५ मिनेटमा अवतरण भएको थियो ।

भैरहवा विमानस्थलले पहिलोपटक अवतरण गर्ने वायुसेवा कम्पनीको जहाजलाई दुईतर्फबाट पानीको फोहोरा फालेर स्वागत गर्ने प्रचलन अनुसार, सोमबार जजिराको जहाजलाई पानी फोहोरा (वाटर क्यान स्यालुट) ले स्वागत गरिएको थियो ।

यसअघि जेठ १४ गते निगमको वाइडबडी विमानले पहिलो डेमोस्ट्रेशन उडान गर्दा वाटर क्यान स्यालुट पाएको थियो ।

भैरहवामा पहिलोपटक २०१५ असार २० गते उडान सेवा संचालन भएको थियो । ६४ वर्षपछि सरकारले करिब साढे ७ अर्ब रुपैयाँ खर्च गरेर भैरहवालाई अन्तर्राष्ट्रिय विमानस्थल बनाएको हो । प्राधिकरणका महानिर्देशक प्रदीप अधिकारीका अनुसार, जग्गाको मुअब्जामा १० अर्ब र नागरिक उड्डयन प्राधिकरणको बेग्लै ७ अर्ब समेतलाई जोड्दा भैरहवा अन्तर्राष्ट्रिय विमानस्थलमा कम्तीमा २७ अर्ब रुपैयाँ खर्च भइसकेको छ ।

Facebook Comments

जागरण टिभी

ताजा अपडेट

सबै हेनुर्होस

सम्पादकीय

सबै हेनुर्होस

विशेष सम्पादकीय – महिलालाई उपप्रमुखको मात्र जिम्मेवारी किन?

 महिलालाई प्रतिनिधित्वमा ल्याउने होइन आफै आउन सक्ने बनाउनु पर्दछ। त्यसैले सबै महिलाहरु सचेत, शिक्षित, जागरुक र सशक्त बन्दै आत्मविश्वास, दृढ ईच्छाशक्ति तथा आफ्नो क्षमताको विकास गर्दै

Jagaran Post ९ बैशाख २०७९, शुक्रबार २३:१८

बिकास र निकासको संवाहक बनोस – नयाँवर्ष

Jagaran Post १ बैशाख २०७९, बिहीबार ०७:२५

प्रधानमन्त्रीको सम्बोधन – न उत्साह, न नै उत्सुकता !

Jagaran Post ८ माघ २०७८, शनिबार ०८:५५

फितलो कानुन, कमजोर सुरक्षा संयन्त्र

Jagaran Post १ माघ २०७८, शनिबार १०:१८