काठमाडौँ – रौतहट मतदान केन्द्रबाट मतपेटिका लुटेर फरार भएका अभियुक्तलाई प्रहरीले पक्राउ गरेको छ ।
पक्राउ पर्नेमा यमुनामाई गाउँपालिका–२ बस्ने ४६ वर्षीय चन्देश्वर बैठा रहेकाे जिल्ला प्रहरी कार्यालय रौतहटका प्रवक्ता डिएसपी सुनिल मल्लले जानकारी दिए।
उनका अनुसार बैठालाई घरमै लुकीछिपी बसेको अवस्थामा प्रहरीले फेला पारी पक्राउ गरेको हो।
पक्राउ परेका उनीमाथि निर्वाचन (कसुर तथा सजाय) ऐन, २०७३ बमोजिम कानुनी कारवाहीको लागि रौतहट जिल्ला अदालतबाट म्याद थप गरी अनुसन्धान भइरहेको उनले बताए।
बैठाले वैशाख ३० गते भएको स्थानीय तह निर्वाचनका दिन यमुनामाई गाउँपालिका-२ स्थित श्री मावि भेडियाही स्कुलमा अवस्थित मतदान केन्द्रबाट मतपेटिका लुटेर भागेका थिए।
मतपेटिका लुटेर भाग्दै गरेकाे तस्बिर सामाजिक सञ्जालमा भाइरलसमेत बनेको थियो।
Facebook Comments
