बेलायतको ब्राइटन शहरमा एउटा अचम्मको घटना सार्वजनिक भएको छ । यहाँ दुई वर्षका एक बालकमा प्युबर्टी अर्थात् यौवनको लक्षण देखिन थाल्यो, जुन पक्कै पनि साधारण होइन् । ती बालकको यौनाङ्गमा रौँ बढ्न पलाउन थाले र उनको लिङ्गको आकार पनि असामान्य रुपमा बढ्यो । दुई वर्षका बालकमाथि यस्तो हुनु दुर्लभ कुरा हो । तर यो यस्तो समस्या हो जसबारे मेडिकल लिटरेचरमा कुरा भने गरिएको छ ।
दुई वर्षका यी बालककी आमाले जब यस्तो लक्षण देखिन् तब उनी डराइन् । उनलाई राम्रोसँग थाहा थियो, यो सामान्य होइन । बालकको वृद्धि विकास तीब्र रुपमा भइरहेको थियो । उनको उचाई र तौल पनि असामान्य थियो । एक वर्षको उमेरमा बालकको तौल १२ किलो थियो ।२ देखि १८ महिनाको बीचमा बालकको तौल हरेक महिना ०.९ किलोले बढिरहेको थियो । शरीरमा बोसो थिएन, ती केवल मांसपेशी थिए ।
के हो प्युबर्टी ?
प्युबर्टी के हो, त्यसबारे पनि थोरै जानकारी पाऔँ । यो अवस्था जीवनको त्यो समय हो जब कोही युवा–युवती यौन रुपमा परिपक्व हुने गर्छन् । केटीमा प्युबर्टी साधारणतया १० देखि १४ वर्षको बीचमा र केटाहरुमा १२ देखि १६ वर्षको उमेरदेखि सुरु हुन्छ । यसैमार्फत् शरीरमा परिवर्तन आउने गर्छ ।
