काठमाडौं -चितवनमा बाघको आक्रमणबाट एक महिला घाइते भएकी छन् । आज (शनिबार) बिहान सिम्रेनी निवासी ३८ वर्षीया बालिका गुरुङलाई बाघले आक्रमण गरेको चितवन प्रहरीले जनाएको छ ।
उनलाई खैरहनी नगरपालिका–१३ स्थित कुमरोज मध्यवर्ती सामुदायिक वनमा घाँस काट्न जाने क्रमम बाघले आक्रमण गरेको हो ।
बाघको आक्रमणबाट गम्भीर घाइते भएकी गुरुङलाई पुरानो मेडिकल कलेज भरतपुर ल्याइएको छ । उनको अवस्था गम्भीर रहेको प्रहरीले जनाएको छ ।