बागलुङ्ग – जिल्लाको बडिगाड गाँउपालिका २ कोलबोटकी एक युवतीले गएराती आफ्नै घरमै झुण्डीएर आत्महत्या गरेकी छिन।
२८ बर्षिया कोपिला रानाले आफ्नै घरमा सलले घाँटिमा पासो लगाएर आत्महत्या गरेको प्रहरीचौकी खर्वाङका प्रमुख प्रहरी सहायक निरिक्षक चिरञ्जीवी अधिकारीले जानकारी दिए ।
हिजो बेलुकी खाना खाने बेलामा श्रीमती घरको उपल्लोतलामा एक्लै सुतेको बताउदै कोपिलाका श्रीमान राम बहादुर रानाले बिहान आफु काममा जाने बेला सम्म पनि कोठाको ढोका नखोलेपछि शंका लागेर प्रहरीलाई खबर गरेको बताए ।
जानकारीपछि प्रहरी घटनास्थल पुगेर ढोका खोलेर हेर्दा कोपिला कोठामै झुण्डीएको अबस्थामा फेला परेकी हुन । कोपिलाका ९ वर्षिय छोरा र ५ वर्षिय छोरी रहेका छन ।
काेपिलाकाे शव पाेष्टमार्टमकाे लागि प्राथमिक स्वास्थ्य चाैकि बुर्तिबाङ लगिएकाे छ। घटनाकाे थप अनुसन्धान भइरहेकाे प्रहरी चाैकी खर्वाङले जनाएकाे छ ।
