सिएनएन – उत्तरी ग्रीसमा दुईवटा रेल एक आपसमा ठोक्किँदा कम्तिमा २६ जनाको मृत्यु हुनुका साथै ८५ भन्दा बढी घाइते भएको ग्रीसको अग्नि नियन्त्रण सेवा (फायर सर्भिस)ले जनाएको छ ।
ग्रीस राज्य-स्वामित्वको प्रसारणकर्ता ईआरटिमा सार्वजनिक तस्बिरहरूमा देखाईएअनुसार पल्टिएका रेलका डिब्बाबाट धुंवा निस्किएको र उद्धारमा एम्बुलेन्सहरुको लामो पंक्ति लागेको समाचार संस्था सिएनएनले उल्लेख गरेको छ ।
उद्धारकर्मीहरू टर्च बालेर शव तथा घाईतेको खोजी गरिरहेका छन। ग्रीक अग्नि नियन्त्रण सेवाका प्रवक्ता भासिलिस वार्थाकोगियानिसले टेलिभिजन ब्रीफिङमा ३५० भन्दा बढी यात्रु बोकेको यात्रुवाहक रेल स्थानीय समयअनुसार लारिसा शहर नजिकै मध्य ग्रीसको टेम्पी क्षेत्रमा मंगलबार साँझ अर्को एक मालवाहक रेलसँग ठोक्किएको बताएका छन।
१७ वटा सवारी साधन , २० वटा एम्बुलेन्ससहित कम्तिमा १५० बारुण यन्त्र उद्धार कार्यमा संलग्न छन् । यात्रुवाहक ट्रेन एथेन्सबाट थेसालोनिकी जाँदै थियो। यसैबीच मृतक तथा घाईतेको खोजीकार्य जारी छ साथै मृतकको संख्या बढ्ने अनुमान गरिएको छ।
