जाकार्ता, इन्डोनेसिया (एजेन्सी) -इन्डोनेसियाको राजधानी जकार्तामा रहेको राज्य ऊर्जा कम्पनी पेर्टामिनाद्वारा सञ्चालित इन्धन भण्डारण स्टेशनमा शुक्रबार आगलागी भएको छ। दुर्घटनामा दुई बालबालिकासहित १७ जनाको मृत्यु भएको छ भने ५० जना घाईते भएका छन।
घटनास्थलबारे जानकारी हुनासाथ दमकलको ५० वटा युनिट घटनास्थलमा पुगी राहत र उद्धार कार्य जारी राखेको छ। दुर्घटनाका क्रममा स्थानीय बासिन्दाले आगोमा फसेका धेरैको ज्यान बचाएका थिए ।
सञ्चारमाध्यमका अनुसार शुक्रबार राति करिब ८ बजे उक्त दुर्घटना भएको हो। इन्धन स्टेशन घना जनसंख्या भएको क्षेत्रमा रहेको छ जसका कारण आसपासका केही घरमा समेत आगलागी भएको छ ।
जकार्ताका कार्यवाहक गभर्नर हेरु बुडी हार्टोनोले घटनाको पुष्टि गर्दै दुर्घटनामा घाइते भएकाहरुको उपचार खर्च सरकारले व्यहोर्ने बताएका छन।
तस्विरमा उद्धारकर्मीहरू दुर्घटनापछि इन्धन भण्डारण स्टेशनबाट शव निकाल्दै देखिएका छन् भने आगलागीको कारण भने खुल्न सकेको छैन।
